上星期E女和AUNTY VIVIAN幫我搬行李
望著那個甩皮甩骨的行李箱, 令我憶起幾個月前的泰國遊
返港期間, 一度有氣流影響
整架機搖搖擺擺, 好像過山車
降落的10分中, 飛機上的CEMERA一直影著降落過程
就到地面的一刻, 轟轟...然後在跑道上閃電式擺動

當我詳細地跟E女和AUNTY VIVIAN說出當時的驚險時
二人不若而同露出「咁咋下嘛」的樣子

E女: o個次呀, 我o係英國番黎放暑假, 飛飛下冇啦啦叫我地扣安全帶
未扣好架機就已經跌落去, 左面個男人岩岩倒滿左杯可樂
最後成杯倒左落自己塊面度。

aunty vivian:我去法國都係啦, 突然話會急趕十尺
嚇到有個男人心臟病發, 最後驚佢死, 拿拿聲搵個地方降落。
我老公阿ban呀, 有似班空姐派哂紙比成機既人寫遺言呀
好似死硬咁樣。

還以為做戲才會這樣, 下次若果搭飛機有人派紙
都咪話唔得人驚。(碰木碰木....)

兒時去看牙科保健, 牙醫都大讚牙長得齊又沒蛀牙
後來才知道, 這是家族遺傳
牙醫說, 有些人即使每天勤力刷牙, 也難逃蛀牙一劫
因為有些人就是天生法郎質較少, 容易蛀牙

至於我們家族, 連公公在內, 也無一人曾有過蛀牙
認真要謝天謝地, 因為身邊常有朋友為了蛀牙而煩惱

因果報應, 揶揄得人多, 終於一嘗牙痛滋味
最近因飲食不健康, 已經開始有熱氣的徵狀
長了青春豆(是青春豆不是暗瘡哈哈)
長了牙.........................!!!!!!!!

就是智慧齒囉
左下方的智慧齒早在兩三年前萌芽
常常生生下又唔生, 又再生生下又唔生
在每次生生下的時候, 牙肉就會被頂破多一點

這次, 一如以往, 又生生下
離奇地劇痛!
就知道因為最近熱氣, 牙肉有傷口就馬上發炎
痛到我, 食龍肉也如雞助

一痛又幾天, 今天才有心情寫blog
難道我的智慧太少, 長不出智慧齒?

還是我的智慧仍不斷增長, 生極都有??

另, 我說痛楚就是離不開我的生活
剛牙痛完的我, 這星期因與瘋狂之士玩得瘋狂
喊破喉嚨, 現在喉嚨痛(哭)

其實我也不太肯定自己是風濕
大概兩、三年前開始啦
突然有些晚上, 右腳腕非常痛
不知是筋還是骨, 那股痛會令到整隻右腳都痛, 入心入肺

然後第二天, 就會下雨了
真的準過天文台!

那次在新城市廣場走著
突然又痛, 就跟N女說外面應該在下雨
她呢, 打死也不信, 剛剛還陽光充沛

支持男女平等, 食飯AA制的人唔好打我
當然, 做女的不一定會受上述的小惠
但男方, 就一定不可以了
至少在這個社會, 暫時未受認同:

男人撒嬌好娘娘腔喎
靠女人養等於食軟飯?
不能擔擔抬抬好孱弱
唔lady first好無風度

建基於這個社會的標準底下, 我覺得,
做女仔仍然是比較著數

不過, 上天是很公平
因為呢....男人不用受女人之苦
其實, 除了生仔時的十級痛之外
有些女性每個月定時定候都要受刑

就是經期來的時候
我覺得m痛慘過大病囉

長輩說, 身子差的女孩子才會m痛
我幾乎三個月一潤喎
我有無咁虧呀? 唉, 好灰

好憎那種陰住陰住痛
連帶會腳軟, 腰痛和標冷汗...
然後整天不能活動, 死屍在床上

就前幾天, 幸好, 幸好8號風球
所有活動都取消/改期, 才可安心在家裡躺
不過呀, 又有多少次可以如此好運

m痛期間, 黃氏來電
我馬上執起電話叫苦連天 blah blah blah

出世那天, 是普天同慶
所以呀, 以後每一年生日都應該稟承傳統
好好玩樂一天

身邊的朋友都愛互相替大家慶祝生日
最好正日, 有家眷就無辦法
但總得找個日子慶祝一番

有特定的搞手K君, 他是大家的聯絡人
K君沒空就會由L君頂替
不過搞手之職絕對不會交到我這兒
因為呢, 小女子不擅交際
往往約到不夠幾句就掛線

幾天前經過沙灘又多腳落去踩踩
背脊突然透心涼, 然後感到有水直流至我腰間

哎也, 原來有班細路(真的好細的細路)在玩水槍
我即時哎也一聲, 他們馬上收起了笑容, 呆左望住我
哈哈小朋友, 唔駛咁認真喎
夏日炎炎有水幫我降降溫, 正合我心意啦

其實, 我想說, 有沒有多支水槍可以借我, 我也想一齊玩

不說不知, 以前家裡最多的玩具就是bb彈槍和水槍
有氣動, 手動, 電動等等不同款
有次曾經帶水槍到尖沙咀碼頭玩結果被周邊的人痛罵

嗯, 此等玩兒不會被時代淘汰
只有我們才會跟著時代前進呢
望著他們, 好想說一句: 我們也青春過
(其實仲青春緊囉唔該)

其實都不是第一次了
類似情況幾乎每幾個月都發生

為什麼呢
因為我的鎖匙是一條條散收收放在散銀包

已經不只一次被身邊朋友話:

A君:喂, 小姐, 你係小姐黎嫁喎, 因乜事搞到成個中坑咁?

B君:咩呀, 現在的中坑都用鎖匙包啦, 點會好似佢咁

其實呢...我貪方便囉
首先我不是可靠的揸匙人, 所以除了門匙和鐵閘
我是多一條匙都沒有的, 用鎖匙包覺得大材小用

有時家裡有人, 我也懶得帶兩條鎖匙落街
好重呀鐵閘匙, 又嘈
就索性只帶門匙

另, 小女子是一個極之冇手尾的人....
結果換衫再出門的時候分分鐘鎖匙仍然在舊褲袋

我: 我諗我既行為極其量都係似唔用銀包就咁將d錢摺落恤衫袋或pat pat d人
A+B君: 咁咪即係又係中坑囉!

好了, OK, 明白, 知道, 收到
中坑丫嘛

我想, 現在, 我非常需要一個鎖匙扣。

不過, 講到欣賞, 不是他的唱功
而是他的創作才華
真的, 滿心覺得他是一個音樂才子
久不久留意一下, 就會發覺不少好歌都是出自他的手筆

再度有新歌派台
依然, 唱得不是特別動聽
不過, 很吸引

有空的話, 可以用多點時間, 留下聽首歌嗎?

時候尚早 藍奕邦

曲/詞: 藍奕邦
編: Adam Lee
監製: 陳德健/李漢金/藍奕邦

何解我未曾問已跟我講你懂
何解你所有口吻 極其像個老頑童
而你不過廿來歲 無法可將一切看通

對所有事情漸忘掉衝動
談起你未來亦滿臉愁容
越去估計前途 偏偏越會幻想起暗湧

但秒針仍在跳 光陰也未窮
凡事也自有它答案 這刻不要碰


可知道 時候尚早
前面尚有幾多的起伏 佈滿你一生旅途 很多個未知數
行前兩步你便看到 一切總會有分數
時候尚早 讓老天替你一一安排 並未願知得太早
誰預先打小報告 快掩耳 當聽不到
(緩緩地跟青春跳舞 這一剎 人還未老)

人生裡總有幾對手去等你拖
人生裡問題逐條逐條地一一探索
活到七老八十歲 還有很多未曾尋獲

考究深奧的存在意義
何不試一試逐一的去試
亂去偷看結局 多糟蹋揭曉的真意思

若你心仍在跳 不需當先知
就趁有幸去生存時 你即管放肆

可知道 時候尚早
前面尚有幾多的起伏 佈滿你一生旅途 很多個未知數
行前兩步你便看到 一切總會有分數
時候尚早 學會將冀盼拋出窗外 便是最好的法寶
誰預先打小報告 答一句 我不知道

好啦, 我聽教聽話
結果有次走去看keroro軍曹大電影
出來後又xyz說以後不會再浪費錢看卡通

不久後友人c小姐叫我捱義氣多左張飛
又是卡通, 迪士尼的魔法奇緣
好啦,我一向最就得人, 就入場看去
又比想像中好看20倍喎

昨天友人E小姐相約去看KUNG FU PANDA
不太有趣, 頂多只有數句對白比較生動
然而全場歡笑連綿

有時心裡不禁問句笑乜q, 有乜咁好笑
然後環迴的一群孩子繼續捧腹大笑
他們身旁的父母亦然, 甚至笑得更高興
方知道自己已經離開了這個年紀
又未到那個年紀

Ｉ的電影本身就是適合任何年齡人士觀看
有深度的卡通片妙在有兒童的搞笑元素
又不失其深度, 帶點諷刺


所以會見到某些笑位只有我們笑而全場孩子不會笑
所以, 他們笑時, 別在質疑, 別再揶揄他們低能笑點低
因為他們同樣不明白你在笑乜Q。